هل أنت تصنع تعاستك بنفسك؟

ي كتير لحظات بالحياة بنكون حسّاسين وتعبانين ومش فاهمين ليش مزاجنا منخفض وليش ما عم نلاقي الطمأنينة رغم إنو الظاهر مو غلطان بشي يمكن نفكر إنو السبب من العالم أو الظروف بس الحقيقة إنو أحياناً نحنا من دون ما ننتبه عم نصنع جزء كبير من تعبنا الداخلي من خلال خياراتنا ومن خلال العلاقات اللي منسمح إلها تبقى بحياتنا ومن خلال طريقة تعاملنا مع الناس ومع أنفسنا

وهون أربع طرق أساسية بتخلّي الإنسان يعيش التعاسة حتى لو كان عندو فرص للراحة لو عرف يستخدمها

سابعاً البقاء مع أشخاص يستنزفونك

اسأل نفسك بكل صراحة هل في ناس عم تقعد معهم وبس تخلص المحادثة بتحس إنك مكسور أو محبط أو مستنزف؟ ناس ما بيعطوك تقدير ناس بياخدوك كأنك واجب ووجودك محسوب عليهم أو ناس بتحس إنو طموحك بيضيق لما تقعد معهم لأنهم ما بيكبروا فيك شي بالعكس بيعرقلوك

نحنا منكون نتيجة الأشخاص اللي نقضي وقتنا معهم وإذا كانوا أقرب خمس أشخاص بحياتك عم يسحبوا طاقتك طبيعي جداً إنك تحس بالإجهاد أغلب الوقت جرب تعمل تمرين بسيط فكر بخمسة أشخاص بتتواصل معهم أكتر شي وسأل حالك هل هنن عم يرفعوني ولا عم يوقعوني؟ إذا كانوا عم يثقلوك لازم تعمل إعادة ترتيب لحياتك وتزود وقتك مع الناس اللي بيعطوك نور وما يطفوك

ثامناً محاولة تغيير الآخرين

محاولة تغيير أي شخص طريقة مضمونة تتعبك لأنك رح تضل داخل علاقة شد وجذب علاقة فيها ضغط لانك عم تحاول ترسم صورة لحدا ما بيشبهها وما بده يعيشها التغيير الحقيقي لازم يطلع من داخل الإنسان مو من ضغطك عليه وحتى لو تغيّر شوي هاد التغيير ما رح يكون ثابت

قبل ما تركز على غيرك ركز على حالك شو الشي اللي بدك تغيره فيك؟ شو الجرح اللي عم يخليك تتمسك بتغيير غيرك بدل ما تواجه نفسك؟ ولما تبدأ تشتغل على حالك رح تلاحظ بشكل طبيعي إنو كتير أمور كانت تزعجك من الناس رح تخف لأنّ وعيك الداخلي اتغيّر وبالتالي طريقة استقبالك لطباع الآخرين رح تتغيّر

تاسعاً محاولة إرضاء الجميع

إرضاء الآخرين واحد من أخطر الأشياء اللي بتسرق سعادتك لأنك ببساطة ما رح تقدر ترضي كل الناس وكل واحد له رأي وتوقع ورغبة مختلفة وإذا حاولت تعيش حسب هالتوقعات رح تتعب وتختفي هويتك ويصير رضاك مرتبط بكلمة من حدا ما بيعرف عمقك

لما حدا يزعل منك مو لازم فوراً تغير حالك اسأل نفسك هذا الكلام اللي سمعتو هل هو حقيقي؟ هل يعكس شي بدي اشتغل عليه؟ إذا الجواب نعم اشتغل عليه لأجلك مو لأجل رضا الناس أما إذا ما اقتنعت فاثبت على موقفك لأن تغيير نفسك لإرضاء الآخرين رح يخليك تعيش حياة مو إلك حياة موجهة من برّا بدل ما تكون موجهة من قيمك ومن رسالتك

عاشراً التعلق بالأهداف أو النتائج أو الأشخاص

لما تتعلق بشي خارجي رح تربط قيمتك فيه فلما يتعلق الإنسان بشخص أو هدف أو منصب أو مبلغ مالي رح يصير كل خوفه من خسارته لأن التعلق يربطك بشي مو ثابت ولا مضمون ومع كل تغير بسيط بالحياة رح تهتز هزات كبيرة

ما المطلوب؟ المطلوب إنك تتعلق بالنية لا بالشي النية تبنيك أما الشي الخارجي ممكن يتغير بأي لحظة لا تتعلق بالشريك بل بالنية إنك تعيش علاقة فيها احترام وسلام لا تتعلق بالمال بل بالنية إنك تعيش وفرة لا تتعلق بالمنصب بل بالرسالة اللي بدك توصلها من خلاله لما تعمل هيك رح تكون إنسان أوسع وأهدى لأنك ما عدت مربوط بشي ممكن يتغير بل صرت متصل بالشي اللي جوّاتك واللي هو ثابت مهما تغيرت الظروف